| 11/6-11/8 百佳COII153號鋪，兼職收銀員 我開的單，個客唔要，俾我keep起 o左  這兩個月裡，不斷過barcode、入袋，有時要執貨，有時會被客無理取鬧，有時會抓到『廣告紙怪客』 由於技術一值不精，所以多數被安排在快線，（不收visa,EPS......），但其實快線入袋不方便， 有一次，（不是快線），我錄卡錄o左個客一次，結果俾上司鬧，不過幸好那張是visa，不是EPS，可以還原 有一次俾客亂投訴(見上上文)，之後個顛佬又走番o黎搞事，係咁無理取鬧...... 有一次有個客，濫用雪袋（無手挽，限用於生果、濕貨，但係佢用o左o黎載餅），我就同佢講："婆婆，唔好意思，li d袋只可用來載生果、濕貨，不過今次照俾你，下次唔好la"，阿婆："咁吝嗇，唔要你個袋"，我："唔好意思，li個係政府規舉o黎ga"，阿婆："官商勾結"..........真係使銅銀夾大聲，後來，一個老牌收銀員都係因為類似原因而俾客鬧........ 如果說這兩個月我學到什麼，我覺得第一是同理心，以前，我以為做收銀員很容易，以為是熟能生巧的工作。而我竟然做了兩個月，都未能"生巧"。同時，我亦發現，做收銀員其實很辛苦，企足成日、得半個鐘lunch、成日俾客無理取鬧、做o野要好快手......我明白到其實不只收銀員，其他行業也會有自己的難處，做麥記，同樣會成日俾客鬧，同樣要企足成日......只是我未經歷過他們的難處。 第二是忍耐，面對顧客無理取鬧，就算心深不憤，我即時都要忍，無論顧客有多無理，如果你駁嘴，就是你錯。面對那些無理取鬧的顧客，我即時都能夠忍耐，最多之後係friend面前鬧番個客，但是當場，我忍到。 |
| |
| 5610 UST Mechan engine (3rd choice) 第一眼看見這個offer，有點兒失望，既不是HKU，也不是 Civil engine。 當然，我也喜歡Mechan engine，不然我也不會把它放在第三志願。 後來，看到一個又一個成績跟我差不多朋友得到 no offer 的結果時，我突然發現自己真的非常幸運。不但有 offer，而且是UST。同時醒覺到自己選科的過程有多驚險，如果UST Mechan engine不收我，也許我也會跌至 High dip，甚至 no offer。有學位，真的很感恩。 現在，我的身份變成了準大學生，心情緊張、期待...... |
| |
| 係第一城商場間百佳，日日做到百哂佳 有D客好好人，好有禮貌，不過總括衰人多過好人，顧客A想樽水打橫入，顧客B想打直入，入錯就鬧你。 有個死賓妹，死口話我計錯佢數，係計錯數，唔係入錯數，唔係找錯錢，簡單D o黎講佢係話緊部電腦計錯數.........最後仲要話 " that's alright, a few cents only" ，佢個衰樣吋到........ 尋日又有個客，買兩包餃子，我過幾見到$18.9，開完單之後佢話見到$17.9，於是我搵o左大姐大去check價，證實mark錯價，已經即時退番$俾佢，點知條蛋散轉頭走番o黎，去其他counter問我咩名，要投訴，下晝即時有百佳高層o黎處理，(我坐快線，係正office出面)，聽到經理同個高層ge對話，經理同大姐大堅持話我冇錯，跟住聽仲聽到裡面好似嗌緊交，%$#!&都出齊，最後當然冇事，我都冇錯。果個客都唔知食咩大ga(食屎大)，把口臭成咁，都已經退番錢俾佢la，仲投訴，我收銀係過機幾$，我就收佢幾錢，除非個包裝mark o左減價，我睇唔到，就係我錯。如果件件貨我都要check完價先過機，我十分鐘都做唔到1個客la，佢都發神經ga，到時一定會有人投訴我做得慢。況且，就算要投訴都應該係投訴mark價果個，唔係投訴我......... 之前有個客，我問佢要唔要袋，都俾佢鬧，勁惡咁話：冇袋點拎ar，有個做得耐ge收銀員話試過答個客：用手拎，仲話心lum：你咪用口darm lo~，好正 前日有神祕人o黎過，不過今次個神祕人做得好差，企o左係門口咁耐，一眼俾我認到，以為扮講電話就可以掩飾到神祕人ge身份........太天真了.......不過，我當時坐1號機，佢第1個check我先，但係我唔知佢望o左我幾耐先俾我發現。有神祕人駕到，我當然即望客，即笑。見到神祕人，原本想以推車為名，通水為實，但係太多客，冇時間推車，好彩全部pass，咁ge成績，希望佢短時間內唔會再o黎la~ |
| |
| 放榜：高考後知道自己失手，但結果遠比自己的估計差........一直沒心機，不想提起傷心事(所以現在才打xanga)，放榜時，班上近一半同學哭了，後來聽說連Miss Law 也哭了，聽說是她看見我們付出了這麼多，成績卻......為我們感到不值....... 排Jupas：可能是未能放下自己的傲氣，得1C1D，學人Band A 放港大、科大、科大，很冒險，就算結果是no offer 也不會有人可憐我 查卷：查了四科，盡最後幾會，兩科數必查，中化：整體成績不差，但細分......，弱項口試Ao左，強項聆聽Eo左，次強項實用文Eo左，反正口試冇錄音，佢減唔到我分，照查，而physic就以「玩開o黎鋪大」ge心態 現在是處於等待階段，等放榜，等查卷結果 |
| |
| 備戰生活 逢星期一、三、五：6:45am起身(仲早過平時15分鐘)，同我ar爸一齊落去做運動，行富豪後面果個山
每朝9點幾番到教會溫書，溫到5點幾至7點幾返屋企 26/3晚：由教會返o黎，hea緊，收到一封信，原來miss law寄o左張咭俾我，叫我對自己有信心，好好走過這段艱苦的高考路。當時真係好感動，miss law真係一位好好ge老師。li張咭我考試會隨時帶住，開考前拎出o黎睇。 中化
實用文，好彩佢出演講辭，發揮到自己ge水準
文化篇章：選o左第2,3題，科學果題：駁曹秤象個pt：全靠我ge理科sense，都發揮到自己ge水準，不過寫完之後隻手跛o左
考完第一日，打o左電話俾miss law，多謝佢張咭，順便匯報戰況
聆聽：我左下角坐o左個超狗ge人係度，拉天線干擾人，用埋哂D死人戰術。一開始得左下角果個人拉，所以干擾近乎零，之後我左邊果個人可能俾佢干擾到，就拉線自衛，之後我部機先開始沙，但係中文係我母語，沙沙o地我都聽到，所以冇去到special room，因為如果我考考o下走去special room 自己會蝕底。考英文listenning果陣li個衰人應該會繼續係我隔離，一於未開始走定去special room先。 |
| |
